الاحترام في الأسره المصريه, يعني البنت توصل 18 سنه يبقى خلاص لازم تتجوز ,وتستنى
الأسره ابن الحلال ومعارفهم تدّلل وكأن البنت ف الخمسين وعانس وهي حتى متمتش 20 سنه
...ييجي العريس "صالونات" .والبنت المسكينه تكون مش عارفه هي نفسها تعمل ايه في حياتها
ولا تكون حتى وصلت لمرحله تعرف تحدد فيها ملامح الشخصيه اللي هتعيش معاها طول حياتها ...
يدّخل العريس ..يتكلم الأب ""بص بقى يا أبني أحنا أتشرفنا بيك ونورتنا ومعرفتكوا دي
شرف لينا والله ,وزي ما سمعت وعرفت عن بنتي جوهره يعني لو كنت أطول كنت قعدت جنبها
طول عمري بس ربنا يكرمها بيك لاني مش هفرت فيها بالساهل وعمري ما هرميها كدا
.(لا جدع :s)
بص ياابني انت عليك الشقه واهو نجهز معاك اوضه ولا أتنين ""
او يكون أب جنتل شويه ويخلي الزبون يبدأ البيعه ,وطبعا من خطوات الاحترام الاساسيه في
الأسر المصريه ان أبو العريس هو اللي يتكلم طيب لو والدته أتكلمت ولا نطقت بكلمه ؟
يبقى أكيد أبن أمه وأكيد هي كمان اللي ممشيه البيت وابوه خرنج وطبعا يبقى مرفوض ..
المهم أبو العريس يتكلم ويتفق ع أسعار مناسبه وأبو العروسه يطلب وقت يأخد رأي ا
لبنت ...ودا طبعا هجس , لان أبو العروسه عايز وقت يسأل فيه عن حال السوق
والاتفاق كدا مناسب ولا مضحوك عليه ,يتصل بصحابه ومعارفه ويعرف اخبار المؤخر
والشبكه والمهر وهكذا
...
طيب فين البنت ؟؟ المفروض انها العروسه ,لا هي هنأخد رأيها ولازم هتوافق (لازم )
طيب ولو موفقتش ,اكيد
هنقنعها أصلنا أكثر خبره وومعرفه بالدنيا وحالها ,يا سلام !!
لا بجد برافو عليكوا بيمشوا بنتهم يمين وشمال ويمن و ده اه وده لا وفرحانين
وده طبعا بحكم خبرتهم وونظرتهم و أحلامهم ,فعلا شئ رائع ..ت
مشي البنت ف بيت الاسره على كلام أهلها تتجوز ع مزاج أهلها تروح بيت زوجها
اللي برضو هيمشيها بعد كده و ما اللي تمشي بحجه اهلها انهم اكثر خبره وادراك
تمشي بحجه زوجهاا انه اكثر منها تجربه ..
وتساق قطيع الماشيه الى العدم" "
اعترض على هذا النوع من الزواج ,فالمصريه ليست بالجاريه او العبد المذلول
,ولن أكون أحد ضحايا شهوات الأسر الماديه المعقده فأنا أفضل الفشل في تجربه اخترتها بذاتي
واكرم عندي من الفشل في تجربه أسرتي والتي سيكون فشلها
99.99%
بالنسبه لفتاه مثلي ,تعشق الحريه وتكره القضبان ,
تعشق قول الحق حتى ولو اتهموها أهلها بالخبول والخلل العقلي
وانني بذلك سأكون إمعه مع الاستشهاد بإحدى أحاديث رسول الله (اللهم صلي وسلم عليه ),
وذلك لتأكيد وجهه نظرهم واقناعي بما لست اؤمن به
وكما قيل من القبل (يالا سخريه القدر )
أتمنى أن يدرك أهلي يوما أنني لست هذه المخبوله
أتمني ان يحترموني كما اقدرهم واكن لهم كثير الاحترام
أتمنى تقديرهم لشخصيتي ..وتقدير من أحب لي
هذا كل ما أتمناه منهم
,فسخريتهم من ذاتي وشخصيتي قد اضحى سيف بارد يبدأ أولا بالجروح قبل ان يصل لاخر العنق
