^^ماسبيرو النيل

كتبتها في معمعة الثورة ,ومنشرتهاش 

يارب تعجبكوا :)

نشرة أخبار ماسبيرو النيل

بتقول أل ثوار التحرير

عايشين كنتاكي وغنا وفطير

والثورة مؤامرة خارجية

والشعب شيوعي وشرير

ومكالمات أعداء الثورة

انتشرت واتحفر البير

اتكلموا بلسان الامه

الأخت لواحظ وسمير

إذ أن لواحظ قد قالت

 آه يا مامي راح يضربوا فينا

وهيقتلوا ناسنا وأهالينا

ويبيعوا الأسهم ف البورصة

وتضيع فيلتنا ف مارينا

وصريخه من ام لواحظ

هتغلوا شوية صراصير

وهنصبح والست جارتنا

منظرنا بيئة وحقير

والأخ سمير أيضا  أبدع

ما اهو فاتح للكيف مستودع

والمخزن تحت البيت مليان

ودماغ الشعب دي بتودع

وإشاعة أخ بنت لزينه

هتركب عين أمه سفينة

ويحصل عمو ابن فاروق

وسوزان  ثابت تبقى حزينة

وحديده راح يصبح  قضبان

يلبس الأبيض و ينور

عز الجربان

تتلم علية كل  الشلة

ويجرب معنى الحرمان

وأهو فقي شراني ومتحكم

ببخطط والشيخ بيقسم

وميدانهم للقنوات كارثة

و سيناريو هابط لمؤاخذه

والشعب ده صايع و بيرسم

راح أحط الإعلان ده بنفسي

وأقول  الشعب مريض نفسي

ونجيب دكتور ابن حلمبوا

ويقول الدوا حسني وعزمي

                                            و هنلغي كل الميادين                                            

ونبيد الشعب المسكين

ونحطم أهداف الثورة

يا شباب متمرد مجانين

هاتوا صورة لكورنيش النيل