بين الحب والإعجاب

موضوع بناتي ,تلقائي وبسيط جدا ...مش هكتب فصيح ولا هختار كلمات موضوعي محتاج احساس اكتر من فهم ,هتكلم عن الاعجاب عموما والتعلق خصوصا وكلنا في سن المراهقه وعارفين ان الموضوع وارد جدا ,بس في ظاهره منتشره جدا 

وهي ان بنت تشوف ولد مثلا وتحبه جدا وتتعلق بيه وهي متعرفش اذا كان هو عارفها اصلا ولا لا

وتفضل تقنع نفسها انه بيحبها وتقنع اللي حواليها....بصي يا بنتي ده مش حب 

الاعجاب شئ طبيعي جدا ممكن بنت تعجب ببنت زي  بالظبط ما في بنت ممكن تعجب بولد والانطباع الاول عمره ما كان حكم قاطع وسليم عن الشخصيه وده كلنا مجربينه وعارفينه و لازم تعرفي ان الاعجاب مش حب...الحب اقتناع وتفاهم وروحين قرروا انهم يتحدوا ويكملوا مع بعض الحب مش كلمه حلوه  ونظره مريحه وبس, الحب قلوب حكيمه وعقول متفتحه وطباع مشتركه 

الحب حياة كامله ...مبتسأليش نفسك ليه حالات الطلاق زادت بالشكل ده ..مش علشان هما بيكرهوا بعض بالعكس

كان سوء اختيار من البدايه ,هتقولي دول كانوا معجبين ببعض جدا ..اه اعجاب ظاهري شكلي مؤقت   مقدروش يوصلوا بيه للمرحله المهمه وهي الاقتناع الكامل بالشخصيه وهو ده اللي بيسبب مشاكل كتير تعرفي ان لو هما فعلا حبوا بعض مكنتش ولا مشكله بينهم هتتضخم وتوصلهم للطلاق  بالعكس كانوا هيبسطوا المشاكل ويتشاركوا في الحلول زي ما بيشتركوا في الحياة صدقوني مرايه الحب عاميه , لو مقدرتيش تقيمي اللي قدامك وتختاري صح هتندمي  والاعجاب واللشكل الخارجي لا يمثل اي شئ في التقييم او صحه الاختيار

,عنده عقل وافكار وعندك عقلك وافكارك وليكي طبع وليه طبع ,لازم تعرفوا اذا كنتوا فعلا متفقين ولو بنسبه تتعدى ال50 % اولا 

وهقولكوا نصيحه يا بنات : لو اعجبتي بولد خليها جواكي ,بلاش نتجمل علشانه ولا نتودد علشان نوصله

لانكوا كده بترخصوا نفسكوا وبتهينوا حياءكوا جدا,احترمي كرامتك واتعاملي بعقل يعبر عن مكنون شخصيتك

حاولي تتجنبي وساوس الشيطان ,وصدقيني لو ليكي نصيب معاه ربنا هيكرمك بيه ,بس وقتها هتكوني معززه مكرمه 

وغاليه في عنيه وغاليه في عيون الناس كلها,بلاش تعلقوا نفسكوا بالاوهام وتكذبوا كذبه وتصدقوها

لان دي مصيبه ولازم تفوقوا منها ,

ربنا يبعد عننا هذا النوع من المصائب ويهدينا جميعا بفضله  "اللهم أمين".

إحترام الرأي الأخر

نمضي هذه الأيام حياتنا تحت غمام ورواسب إنسانية أغلقت كل النوافذ الفكريه المتحضره للوصول لنقطه تلاقي الأراء والاتفاق على رأي واحد تسير عليه البشريه في حاله من الامان والطمأنينه 

فإنعدام الثقه في أخِذي القرار أصبح هو الرعب الحقيقي لكل بشري على هذه الارض

عندما نشاهد إحدى حلقات برامج تحوي المناقشات الفكريه ,نجد انها تتحول الى نزاعات فرديه لا تصل بالجماعه الى رأي يساعدهم او وجهة نظر سديده يعيشون بها 

, نعم لكل فرد وجهة نظر ولكن عدم احترام وجهات النظر وقله الرغبه في التفكير في الرأي الأخر أصبح الامر الاكثر تعقيدا في زمن سادت فيه انانيه الافراد , فكل فرد يريد أن يصل الى أعلى المراتب بمفرده ولا يدرك بأنه فقط لا يستطيع تسيير الكون بمفرده 

فالرسول صلى الله عليه وسلم قال  (ما شقى عبـد بمشورة ، ولا سعد باستغنـاء رأي ) إذن فالشورى  والاستماع للرأي الاخر هو أساس قيام الامم القويه والمجتمعات المتماسكه

فالانانيه الفرديه اصبحت تقتل الشورى وهذا  ما أدى الى تأخرنا وقتل الروح الابداعيه والعقول المفكره الناضجه

أستمعوا للرأي الأخر و أحترموه  ولا تتكبروا 

.(ف(ما شقى عبد بمشوره ولا سعد باستغناء رأي