^_^ذي الورق^_^

ذي الورق


ذي الورق بنطير في الجو والمية
ذي الورق ده مصير كل المراكبية
جوه الورق عايش يكتب غزل فيا


ذي الورق نحيا بالفن والموال
نرسم طريق حلمنا ونصلح الأحوال
نكتب مشاعر دهب نوصف كلام يتقال


ذي الورق في الريح ييجي اوام ليا
يرسم طريق ضحكته وينور الدنيا
يعزف رموز نظرته  ترضا السما عليا


ذي الورق عاشق الحبر لحبيبته
يرسم حدود وشها ويعلي فيه غيرته
يصرخ بعلو الصوت الحبر يضحك موت
ده لولايا يا عاشق كل الحقيقة تموت




ذي الطبيب ابيض والجرح من همسه
تنشف اوام دمعته من نظره من لمسه
ابيض ومش شفاف..منه الحقيقه تخاف
تدارى فيه بسمه


ذي الورق طاير من كتر افراحه
قصاقيص بتبعد فوق تتملى بصباحه
رغم البعاد والقلق عمره ما قال راحوا


ذي الورق قاضي للحبر وخطوطه
والكذب مش راضي يتعدى في حدوده
لولا نسيم الهوا ما احمر بخدوده


ذي الورق مرصوص الحق في كتابه
عنوانه كله عتاب والعشق راح جابه
ولولا العشق غلاب ما فتحت انا بابه


ذي الورق والحبر ساكن الشرايين
يجري في كل مكان ميقولش رايح فين
يسكت يصيبني القلق اسرح وكلي حنين


يتهنى بعروقي اضحك يقول فوقي
أصل الحقيقة خيال ولا أنت معشوقي؟!


غاده أشرف