حاله

مش كل اللي بنحلم بيه ممكن نلاقيه ,بس لما تلاقي الجزء الاكبر ممكن من خلاله ومعاه تحقق الجزء البسيط اللي فاضل

بحلم بالجزء الاكبر كل ثانيه ,يمكن يكون  التفكير فيه تملك حياتي بس المهم ان اللي جوايا أكبر بكتير من انه يتوصف بكلام

بحب يبقى لازم اهتم ,ماااهتمتش يبقى محبتش ...يعني لازم اهتمام بس الاهم يعني ايه اهتمام؟

من وجهة نظري يعني احتواء كل تفاصيل الحياة وانا محتاجة الاحتواء ده 

محتاجه كتير من الجزء الاكبر بس برضو يعني ايه احتياج ؟

يعني مااعرفش اتنفس الا من خلاله ومااعرفش اتكلم غيرمن أنا يعني من جواه

مااعرفش اعيش غير ليه لانه هو الروح ومفيش جسد يقدر يعيش من غير روح

يعني الاحتياج للجزء الاكبر بالنسبالي احتياج الحياة ..لانه البحر وانا السمكه اللي لو خرجت منه تموت.

علشان كده مستعده استنى الجزء الاكبر لاخر العمر لاني متاكده انه مش هيقصر في احتياجي اليه وعمري ما هقصر لانه الروح...